

因為一份堅持,我喺 2014 年就開始咗寫呢一隻有 D 書道味嘅變形毛筆字,寫寫下,我竟然同呢隻字體,一齊走咗一段路。佢上過網台,去過日本,上過半山,拍過 MV,化身過成為祝福,擺過展覧,上埋報紙,衝出過香港,印過海報,出埋廣告。

廣東話同正體字都係中華文化入面嘅 SSS 級珍寶,作為香港嘅一份子,我希望可以用我自己嘅方法去將正體字好好咁演繹一次,造出一隻大家都可以用嘅勁揪體,但係有兩個問題。
第一,造一隻字體需要好多時間,6000 常用字,一日造十隻咁計就要 600 日。另外,就係呢隻字體硬係要歪歪斜斜先至啱合尺,要大家可以放心使用,除咗造好隻字體,更要開發多一個字型拼合程式,等大家打完組字就可以無痛咁輸出最佳組合,唔 ⋯⋯ 作為一個互動設計師兼程式員,有呢 D 用家優先嘅考慮旁下身,係好合邏輯嘅。
以上兩個難題,都係錢可以解決到係問題,所以,如果有你哋嘅課金支持,其實就唔成問題 XD有種志氣叫勁揪!希望大家可以露出你嘅志氣,支持呢一隻由香港人製作嘅勁揪體!
字體設計師,即我本人 kit man,每日可以製作約十隻保持隊型嘅正體勁揪字(製作人表示:每粒字都有自己嘅獨特變形,所以要每隻字創作過而不能用貼拼的),簡單計一計, 6000 字約需時 600 日。另外需要一位造字輔助員及一位程式員協力發癲,資源分佈如下:
- 全職字體設計師(HKD 800 x 600 )- HKD 480000
- 兼職造字輔助員 (HKD 500 x 240 )- HKD 120000
- 拼字系統程式員/公司 (兩個月合約) - HKD 50000
屈指一算,大拿拿成 HKD 650000 !無你嘅支持,真係搞唔掂⋯⋯
以每日十零隻字嘅進度,我希望喺兩年之內完成呢個項目。人格擔保,絕不超資,絕不追加撥款,絕對有貨交並預算分三期發放:
- 第三個月:試水版勁揪體 - 約750 字,供支持者下載試用
- 第九個月:浮潛版勁揪體 - 約 2250 字 以及 試水版拼字程式,供支持者下載試用
- 第廿四個月:完全版勁揪體 - 約 6000 字 以及 完全版拼字程式,供支持者下載使用,同時公開發售
核心回餽:
- 勁揪體(分三期發送給支持者試用/堅用)
- 拼字程式使用者戶口(永久使用)
- 拼字程式不同版本使用者戶口(視乎籌得款項多少而有可能會增設的手機程式版本,若會發生,支持者當必享有此戶口永久使用權)
周邊回餽:
- 貼紙set
- 名信片
- 利是封
- 汗巾
- 拉鍊 totebag
- 香港獨有字海報
- 客製座枱字體標本相框
【5月17日更新】大多朋友 INBOX 問有關字體授權事宜,在此先列出重點如下:
- 一套字體授權比一個人/公司機構
- 一個授權比兩部機用
- 授權形式係全方位:圖,片,網頁,印刷品使用
- 小型公司定義:依香港中小企統計,50 人或以下去計算。
- 若中小企為中小企或慈善團體或非牟利機構製作任何內容都在授權之內。
- 若中小企為大型商業機構製作任何內容都在授權之外,應以一價格購買大型公司授權。
【5月19日更新】勁揪體籌旗造字計劃細則:http://bit.ly/kickAssTerms